2025 жылғы 24 қараша халықаралық PISA зерттеуі

2025 жылғы 24 қараша күні мектепте халықаралық PISA зерттеуі жүргізілді. Бұл зерттеу – оқушылардың білімді өмірлік жағдайларда қолдану қабілетін, яғни функционалдық сауаттылығын анықтауға бағытталған. PISA (Programme for International Student Assessment) зерттеуі үш негізгі бағыт бойынша өтті:

1. Оқу сауаттылығы – мәтінді түсіну, негізгі ойды анықтау, дәлел келтіре алу және ақпаратты дұрыс пайдалану қабілеті. 

2. Математикалық сауаттылық – есеп шығару ғана емес, математикалық ойлау мен өмірде кездесетін мәселелерді шешу үшін математиканы қолдана білу.  

3. Жаратылыстану ғылымдары бойынша сауаттылық – ғылыми түсініктерді меңгеру және оларды күнделікті өмірмен байланыстыра білу.

PISA мақсаты:  

– Білім беру жүйесінің тиімділігін бағалау;  

– Оқушылардың білімді тәжірибеде қолдану қабілетін анықтау;  

– Жүйелі салыстыру арқылы білім беру саясатын жетілдіруге үлес қосу.

Мектептегі оқушыларға диагностикалық тесттер жүргізілді. Мұғалімдерге әдістемелік семинарлар ұйымдастырылды. Мектеп бойынша 15 жасқа толған 50 оқушы тест тапсырды.